Студентски конгрес на Општа медицина е настан организиран од страна на студентите при факултетот за медицински науки на УГД. Секој од учесниците има можност да се претстави со свој оригинален труд, да слуша пленарни предавања од врвни професори, како и да учествува во различни стручни работилници.

Ви најавуваме пленарна сесија која има за цел да Ве запознае со дијагнозата и третманот на целијачна болест кај децата, предводена од Доц. д-р Марија Димитровска-Иванова, пленарна сесија водена од Проф. д-р Наташа Давчева, со тема ,,Етика во докторската дејност и предуслови за настанување на лекарска грешка”, пленарната сесија со Примариус проф. д-р Елизабета Зисовска - специјалист педијатар на тема „ПРВАТА МИНУТА ОД НАШИОТ ЖИВОТ“. Проф. д-р Гордана Камчева ќе зборува за Такоцубо кардиомиопатија односно Синдром на скршено срце, како и Проф. Д-р Валентина Велкоска Накова која ќе зборува за една од најчестите хронични заболувања кои земаат замав во денешницата т.е. Успешно менаџирање на пациент со дијабет во ПЗЗ,  препораки за скрининг, дијагноза и лекување, ...